ഇന്നലെ പൊള്ളലേറ്റത് 117 പേർക്ക്
ചുട്ടുപൊള്ളുന്ന വെയിൽ തുടരുന്നതിനിടെ ഇന്നലെ സംസ്ഥാനത്ത് 117 പേർക്ക് പൊള്ളലേറ്റു. പാലക്കാട് ജില്ലയിൽ തുടർച്ചയായി നാലാം ദിവസം 40.2 ഡിഗ്രി സെൽഷസായി താപനില. പുനലൂരിലെ താപനില ഇന്നലെയും 38.5 ഡിഗ്രിയായി തുടർന്നു. ആലപ്പുഴ, കോട്ടയം, തൃശൂർ വെള്ളാനിക്കര എന്നിവിടങ്ങളിൽ 37 ഡിഗ്രി ചൂട് ഇന്നലെ അനുഭവപ്പെട്ടു.
പാലക്കാട്, ആലപ്പുഴ, കൊല്ലം ജില്ലകളിൽ 14 വീതവും പത്തനംതിട്ട, കോഴിക്കോട് ജില്ലകളിൽ 13 വീതവും തൃശൂരിൽ 11 ഉം എറണാകുളത്ത് എട്ടും കോട്ടയം ഇടുക്കി ജില്ലകളിൽ ഏഴു വീതവും മലപ്പുറത്ത് ആറും കണ്ണൂരിൽ അഞ്ചും തിരുവനന്തപുരത്ത് മൂന്നും വയനാട്ടിലും കാസർഗോട്ടും ഒ ന്നുവീതവും ആൾക്കാർക്കു പൊള്ളലേറ്റു. അതേസമയം പകർച്ചവ്യാധി വ്യാപകമാവുകയാ ണ്. മഞ്ഞപ്പിത്തം ബാധിച്ച് 14 പേരേയും മലേറിയ ബാധിച്ച് രണ്ടുപേരേയും എച്ച്1 എൻ വണ് ബാധിച്ച് ഒരാളെയും ഇന്നലെ ആശുപത്രിയിൽ പ്രവേശിപ്പിച്ചു.