പ്രളയകാലം ; പിന്തുണച്ച യു എ ഈ ക്ക് കേരളത്തിന്റെ നന്ദി …
പ്രളയ സമയത്ത് കേരളത്തിന്റെ ഒപ്പം നിന്നതിന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമിനെ മുഖ്യമന്ത്രി പിണറായി വിജയന്‍ നേരില്‍ കണ്ട് നന്ദി പറഞ്ഞു. ശൈഖ് മുഹമ്മദിന് ഈ വര്‍ഷം തന്നെ ആതിഥ്യമരുളാന്‍ കേരളത്തിന് സാധിക്കുമെന്ന് മുഖ്യമന്ത്രി പറഞ്ഞു. ലോകമെങ്ങുമുള്ള പ്രവാസികള്‍ക്കായി നടപ്പിലാക്കുന്ന മുഴുവന്‍ സമയ കോള്‍സെന്ററും വെബ്‌സൈറ്റും മുഖ്യമന്ത്രി ഉദ്ഘാടനം ചെയ്തു.
ശൈഖ് മുഹമ്മദ് ബിന്‍ റാഷിദ് അല്‍ മക്തൂമിനെ കൊട്ടാരത്തില്‍ സന്ദര്‍ശിച്ചാണ് മുഖ്യമന്ത്രി പിണറായി വിജയന്‍ നന്ദി രേഖപ്പെടുത്തിയത്. കേരളത്തിലേക്ക് വരാനുള്ള ക്ഷണം ശെയിഖ് മുഹമ്മദ് സ്വീകരിച്ചതായി ദുബായില്‍ നടന്ന പൊതുസമ്മേളനത്തില്‍ പ്രവാസികളെ അഭിസംബോധന ചെയ്യവെ മുഖ്യമന്ത്രി അറിയിച്ചു. ലോകമെങ്ങുമുള്ള പ്രവാസികള്‍ക്കായി നടപ്പിലാക്കുന്ന മുഴുവന്‍ സമയ കോള്‍സെന്ററും വെബ്‌സൈറ്റും ചടങ്ങില്‍ മുഖ്യമന്ത്രി ഉദ്ഘാടനം ചെയ്തു. 24 മണിക്കൂറും പ്രവര്‍ത്തിക്കുന്ന കോള്‍ സെന്ററില്‍ എവിടെ നിന്നും സൗജന്യമായി പരാതികള്‍ നല്‍കാമെന്നതാണ് സവിശേഷത. ഇതിന്മേല്‍ ഉടനടി നടപടികളുണ്ടാവുമെന്നും മുഖ്യമന്ത്രി പറഞ്ഞു. ലോക കേരള സഭയില്‍ ഇന്ന് ഏഴ് ഉപസമിതികളുടെ ശുപാര്‍ശകളിന്‍ മേല്‍ ചര്‍ച്ച നടക്കും.
