ചത്തീസ്ഖണ്ഡിൽ സുരക്ഷാ സേന 10 മാവോയിസ്റ്റുകളെ വധിച്ചു…
ഛത്തീസ്ഗഡിൽ 10 മാവോയിസ്റ്റുകളെ സുരക്ഷാ സേന വധിച്ചു. വ്യാഴാഴ്ച ബിജാപുരിലെ സൗത്ത് ബസ്തറിലായിരുന്നു ഏറ്റുമുട്ടൽ ഉണ്ടായത്. ജില്ലാ റിസേർവ് ഫോഴ്സും സ്പെഷൽ ടാസ്ക് ഫോഴ്സും സംയുക്തമായ നടത്തിയ തെരച്ചിലിലാണ് മാവോയിസ്റ്റുകളെ വധിക്കാനായത്.
സുരക്ഷാ സേനയ്ക്കു നേരെ ആയുധ ധാരികളായ മാവോയിസ്റ്റുകൾ ആക്രമണം നടത്തിയപ്പോൾ തിരിച്ചടിക്കുകയായിരുന്നു. ഒന്നരമണിക്കൂറോളം ഏറ്റുമുട്ടൽ തുടർന്നു. ഏറ്റുമുട്ടൽ നടന്ന സ്ഥലത്തുനിന്നും 10 മാവോയിസ്റ്റുകളുടെ മൃതദേഹം ലഭിച്ചു. ആയുധങ്ങളും സ്ഫോടക വസ്തുക്കളും സമീപത്തുനിന്നും കണ്ടെടെടുത്തു.