മോദിക്കെതിരെ ആഞ്ഞടിച്ച് രാഹുൽ ; ‘രാജ്യത്തിൻറെ കാവൽക്കാരൻ കള്ളനാണ് … ‘
പ്രധാനമന്ത്രി നരേന്ദ്ര മോദിക്കെതിരേ ആഞ്ഞടിച്ച് കോണ്ഗ്രസ് അധ്യക്ഷൻ രാഹുൽ ഗാന്ധി. അമേത്തിയിലെ കോണ്ഗ്രസ് റാലിയിലാണ് രാഹുൽ രൂക്ഷ വിമർശനം നടത്തിയത്. രാജ്യത്തെയും ഇവിടുത്തെ കർഷകരെയും മോദി വാഗ്ദാനങ്ങൾ നൽകി പറ്റിച്ചെന്ന് രാഹുൽ പറഞ്ഞു.
കർഷകരുടെ വായ്പ എഴുതിത്തള്ളാൻ മോദിക്ക് മടിയാണ്. അതേസമയം, 15 ഓളം വ്യവസായികളുടെ 3.5 ലക്ഷം കോടി വായ്പ അദ്ദേഹം എഴുതിത്തള്ളാൻ തയാറായിരിക്കുകയാണ്. ഇതാണ് രാജ്യത്തിന്റെ കാവൽക്കാരൻ കള്ളനാണെന്നു പറയാൻ കാരണമെന്നും രാഹുൽ കൂട്ടിച്ചേർത്തു.
റഫാൽ ഇടപാട് മോദി നടത്തിയ വലിയ അഴിമതിയാണ്. ഇത് അന്വേഷിക്കുമെന്ന ഭയത്താലാണ് സിബിഐ ഡയറക്ടറെ മാറ്റിയതെന്നും രാഹുൽ പറഞ്ഞു. ഇന്ത്യ കണ്ട ഏറ്റവും വലിയ അഴിമതിയാണ് നോട്ട് നിരോധനമെന്നും അദ്ദേഹം വ്യക്തമാക്കി.