ജി.രാമന്‍ നായര്‍ക്ക് ബിജെപി ഉപാധ്യക്ഷ സ്ഥാനം; കൂടുതല്‍ കോണ്‍ഗ്രസ് നേതാക്കളെത്തുമെന്ന് ശ്രീധരന്‍ പിള്ള
കോണ്‍ഗ്രസ് വിട്ട ജി. രാമന്‍ നായരെ ബി.ജെ.പി സംസ്ഥാന ഉപാധ്യക്ഷനായി നിയമിച്ചു. വനിതാകമ്മീഷന്‍ മുന്‍ അംഗം പ്രമീളാദേവിയ്ക്കും ബി.ജെ.പി സംസ്ഥാന സമിതിയില്‍ അംഗത്വം നല്‍കിയിട്ടുണ്ട്. ശബരിമല വിഷയത്തിൽ ബിജെപി സംഘടിപ്പിച്ച പ്രതിഷേധയോഗം ഉദ്ഘാടനം ചെയ്തതിന് കെപിസിസി സസ്പെന്‍റ് ചെയ്ത ജി.രാമന്‍ നായര്‍ ബിജെപിയില്‍ ചേരുകയായിരുന്നു.
കോണ്‍ഗ്രസ് തകര്‍ന്ന കപ്പലാണെന്നും ഇനിയും നിരവധി പേര്‍ കോണ്‍ഗ്രസില്‍ നിന്നും ബിജെപിയിലേക്ക് വരുമെന്നും രാമന്‍ നായര്‍ പറഞ്ഞു. ദേവസ്വം ബോര്‍ഡ് പ്രസിഡന്‍റ് വാഴപ്പിണ്ടി നട്ടെല്ലായി വച്ചയാളാണെന്നും രാമന്‍ നായര്‍ പരിഹസിച്ചു. ബിജെപിയിലേക്ക് വരാൻ കെപിസിസി ഭാരവാഹികൾ താല്‍പര്യം പ്രകടിപ്പിച്ചിട്ടുണ്ടെന്ന് ബിജെപി സംസ്ഥാന അദ്ധ്യക്ഷന്‍ ശ്രീധരൻ പിള്ള പറഞ്ഞു.
