തിരിച്ചുപോകാതെ നിവൃത്തിയില്ല: രഹ്ന ഫാത്തിമ
![](https://www.newswings.online/wp-content/uploads/2018/10/rahnafathima.jpg)
ആന്ധ്രാ സ്വദേശി കവിതയും കൊച്ചി സ്വദേശി രഹ്ന ഫാത്തിമയും ശബരിമല സന്നിധാനത്ത് നിന്നും തിരിച്ചിറങ്ങി. തിരിച്ചുപോകാതെ തങ്ങള്ക്ക് നിവൃത്തിയില്ല എന്ന് രഹ്ന ഫാത്തിമ പറഞ്ഞു. യുവതികളുമായി നടത്തിയ ചര്ച്ചയ്ക്ക് പിന്നാലെ ഇവര് സ്വമേധയാ തിരിച്ചുപോകാന് സന്നദ്ധത അറിയിച്ചു എന്നായിരുന്നു പൊലീസ് പറഞ്ഞത്. യുവതികള് സമ്മതം അറിയിച്ചെന്നും ഐ.ജി ശ്രീജിത്ത് പറഞ്ഞിരുന്നു. എന്നാല് തിരിച്ചിറങ്ങാതെ തങ്ങള്ക്ക് നിവൃത്തിയില്ല എന്നാണ് രഹ്നയുടെ പ്രതികരണം വന്നിരിക്കുന്നത്.
യുവതികള് സന്നിധാനത്ത് കടന്നാല് ശ്രീകോവില് അടച്ചിടുമെന്ന് കണ്ഠരര് രാജീവര് അറിയിച്ചിരുന്നു. ശബരിമല സന്നിധാനത്ത് നിന്നും സ്ത്രീകളെ പുറത്തിറക്കിയില്ലെങ്കില് ശ്രീകോവില് അടച്ചിടുമെന്നാണ് തന്ത്രി കണ്ഠരര് രാജീവര് പറഞ്ഞത്. യുവതികള് എത്രയും പെട്ടെന്ന് മടങ്ങിപ്പോകണമെന്നും അല്ലാത്ത പക്ഷം ശ്രീകോവില് അടച്ചിടുമെന്നും ഇദ്ദേഹം പറഞ്ഞിരുന്നു.