ബ്രൂവറി: അന്വേഷണം ആവശ്യമില്ലെന്ന് ഹൈക്കോടതി
ബ്രൂവറി അനുമതികളിൽ അന്വേഷണം ആവശ്യപ്പെട്ട് സമർപ്പിച്ച പൊതുതാത്പര്യ ഹർജി ഹൈക്കോടതി തള്ളി. ബ്രൂവറികൾ അനുവദിച്ചത് ചട്ടങ്ങള് ലംഘിച്ചാണെന്നും ഇത് അന്വേഷിക്കണമെന്നും ആവശ്യപ്പെട്ടായിരുന്നു ഹർജി. എന്നാല് ബ്രൂവറി, ഡിസ്റ്റിലറി യൂണിറ്റുകള്ക്ക് അനുമതി നല്കിയ ഉത്തരവ് സര്ക്കാര് റദ്ദാക്കിയ സാഹചര്യത്തിലാണ് കോടതി ഹര്ജി തള്ളുകയായിരുന്നു. ചീഫ് ജസ്റ്റീസ് അധ്യക്ഷനായ ബെഞ്ചാണ് ഹർജി പരിഗണിച്ചത്.
ബ്രൂവറി,ബ്ലെന്ഡിങ് കമ്പനികളെ കൂടാതെ എക്സൈസ് കമ്മീഷണര്, സംസ്ഥാന സര്ക്കാര് എന്നിവരെയും എതിര് കക്ഷികളാക്കിക്കൊണ്ടാണ് ഹര്ജി സമര്പ്പിച്ചിരുന്നത്. ചട്ടം ലംഘിച്ചാണ് ലൈസൻസ് നൽകിയതെങ്കിൽ സർക്കാർ അത് തിരുത്തിയല്ലോ എന്ന് ഹർജി പരിഗണിക്കവെ കോടതി പരാമർശിച്ചു. ഇക്കാര്യത്തിൽ ജനങ്ങൾ ജാഗരൂകരാണെന്നും കോടതി നിരീക്ഷിച്ചു.