ഇന്ധന വില കുറയ്ക്കുമോ : മോദിയെ വെല്ലുവിളിച്ച് രാഹുൽ ഗാന്ധി
പ്രധാനമന്ത്രി നരേന്ദ്ര മോദിയെ ഫ്യൂവൽ ചലഞ്ചിന് വെല്ലുവിളിച്ച് കോണ്ഗ്രസ് അധ്യക്ഷൻ രാഹുൽ ഗാന്ധി. ഇന്ത്യൻ ക്രിക്കറ്റ് നായകൻ വിരാട് കോഹ്ലിയുടെ ഫിറ്റ്നസ് ചലഞ്ച് മോദി ഏറ്റെടുത്തതിനു പിന്നാലെയാണ് രാഹുൽ ഫ്യൂവൽ ചലഞ്ചുമായി രംഗത്തെത്തിയത്.
ട്വിറ്ററിലൂടെയാണ് മോദിയെ രാഹുൽ വെല്ലുവിളിച്ചിരിക്കുന്നത്. കോഹ്ലിയുടെ ചലഞ്ച് ഏറ്റെടുത്തതിൽ സന്തോഷമുണ്ട്. ഇതാ മറ്റൊരു ചലഞ്ച്. ഇന്ധന വില കുറയ്ക്കുക. അല്ലെങ്കിൽ രാജ്യവ്യാപകമായി പ്രക്ഷോഭം നടത്തി കോണ്ഗ്രസ് അത് ചെയ്യിപ്പിക്കും. മോദിയുടെ പ്രതികരണത്തിനായി കാത്തിരിക്കുന്നുവെന്നും രാഹുൽ ട്വിറ്ററിൽ കുറിച്ചു.
കായികമന്ത്രി രാജ്യവർധൻ സിംഗ് റാത്തോഡാണ് ഫിറ്റ്നസ് ചലഞ്ചുമായി ആദ്യം രംഗത്തെത്തിയത്. കോഹ്‌ലി, സൈന നെഹ്‌വാൾ, ഹൃത്വിക് റോഷൻ എന്നിവരെ ഫിറ്റ്നസ് ചലഞ്ചിന് വെല്ലുവിളിച്ചാണ് റാത്തോഡ് ട്വീറ്റ് ചെയ്തു. ട്വീറ്റിൽ അദ്ദേഹം വ്യായാമം ചെയ്യുന്ന ദൃശ്യങ്ങളും ഉൾപ്പെടുത്തിയിരുന്നു.
