ബാബുവിന്റെ വീട് മുഖ്യമന്ത്രി പിണറായി വിജയൻ സന്ദർശിച്ചു ; ഷമേജിന്റെ വീട് സന്ദർശിച്ചില്ല
കൊല്ലപ്പെട്ട സിപിഎം നേതാവ് പള്ളുരിലെ കണ്ണിപ്പൊയിൽ ബാബുവിന്റെ വീട് മുഖ്യമന്ത്രി പിണറായി വിജയൻ സന്ദർശിച്ചു. ശനിയാഴ്ച രാത്രി എട്ടോയോടെയാണ് മുഖ്യമന്ത്രി എത്തിയത്.
അഞ്ചുമിനിട്ടോളം മുഖ്യമന്ത്രി ഇവിടെ ചെലവഴിച്ചു. സിപിഎം കണ്ണൂർ ജില്ലാ സെക്രട്ടറി പി.ജയരാജൻ, മത്സ്യഫെഡ് ചെയർമാൻ സി.പി. കുഞ്ഞിരാമൻ, നേതാക്കളായ എം.സുരേന്ദ്രൻ, എം.സി. പവിത്രൻ, തലശേരി നഗരസഭ ചെയർമാൻ സി.കെ. രമേശൻ എന്നിവരും മുഖ്യമന്ത്രിക്ക് ഒപ്പമുണ്ടായിരുന്നു.
തുടർന്ന് അദ്ദേഹം കോഴിക്കോട്ടേക്കു പോയി. എന്നാൽ ബാബു കൊല്ലപ്പെട്ടതിനെത്തുടർന്നു കൊല്ലപ്പെട്ട ആർഎസ്എസ് പ്രവർത്തകൻ ഷമേജിന്റെ വീട് സന്ദർശിക്കാൻ മുഖ്യമന്ത്രി തയാറായില്ല.