ലിഗയുടെ കൊലപാതകം; സാമൂഹ്യപ്രവർത്തക അശ്വതി ജ്വാലക്കെതിരെ അന്വേഷണം
സാമൂഹ്യപ്രവര്ത്തക അശ്വതി ജ്വാലക്കെതിരെ പൊലീസ് അന്വേഷണം. വിദേശ വനിത ലിഗയുടെ സഹോദരി എലീസയെ സഹായിക്കാനെന്ന പേരില് പണം പിരിച്ച് തട്ടിപ്പ് നടത്തിയെന്ന പരാതിയിലാണ് പൊലീസ് അന്വേഷണം പ്രഖ്യാപിച്ചിരിക്കുന്നത്. അശ്വതി ജ്വാലക്കെതിരെ അന്വേഷണം നടത്താനുള്ള നിര്ദേശം ഡിജിപി ലോക്നാഥ് ബെഹ്റ ഐജി മനോജ് എബ്രഹാമിന് കൈമാറിയിട്ടുണ്ട്.
വിദേശ വനിത ലിഗ കൊല്ലപ്പെട്ടതുമായി ബന്ധപ്പെട്ട് പൊലീസ് അന്വേഷണത്തിൽ ഗുരുതരവീഴ്ചയുണ്ടായെന്ന് ലിഗയുടെ കുടുംബത്തെ സഹായിച്ച അശ്വതി ജ്വാല ആരോപിച്ചിരുന്നു. ലിഗയുടെ സഹോദരിയും സുഹൃത്തുമായി കാണാൻ ചെന്നപ്പോള് ഡിജിപി ആക്രോശിച്ചുവെന്നും മുഖ്യമന്ത്രിയെ കാണാൻ അനുമതി കിട്ടിയില്ലെന്നും അശ്വതിആരോപിച്ചിരുന്നു. ഈ സംഭവങ്ങള്ക്ക് പിന്നാലെയാണ് അശ്വതിക്കെതിരെ കേസെ് രജിസ്റ്റര് ചെയ്തിരിക്കുന്നത്.
വര്ഷങ്ങളായി സ്വന്തമായി സ്ഥാപിച്ച ജ്വാല ഫൗണ്ടേഷന് എന്ന ചാരിറ്റബിള് സ്ഥാപനത്തിന്റെ ഭാഗമായി പ്രവര്ത്തിച്ചു വരുന്ന ആളാണ് അശ്വതി. തെരുവില് ഭക്ഷണമെത്തിക്കുന്നതടക്കമുള്ള സാമൂഹ്യ പ്രവര്ത്തനങ്ങളില് സജീവമാണ് അശ്വതി.