കീഴാറ്റൂരിൽ ഇന്ന് വയൽകിളികളുടെ മാർച്ച്.
കീഴാറ്റൂർ ഐക്യദാർഢ്യ സമരസമിതിയുടെ നേതൃത്വത്തിലാണ് വയൽ കിളികൾക്ക് പിന്തുണയറിയിച്ച് മാർച്ച് നടക്കുക. തളിപ്പറമ്പില്‍നിന്നു കീഴാറ്റൂരിലേക്കാണ് മാർച്ച്. മുൻ കെപിസിസി അധ്യക്ഷൻ വി.എം.സുധീരനാണ് മാർച്ച് ഉദ്ഘാടനം ചെയ്യുന്നത്.
സംസ്ഥാനത്തിന്‍റെ വിവിധ ഭാഗങ്ങളില്‍നിന്നുള്ള പരിസ്ഥിതി പ്രവര്‍ത്തകരും ബിജെപി ഉള്‍പ്പെടെയുള്ള രാഷ്‌ട്രീയ പാർട്ടി നേതാക്കളും അണിചേരുന്ന മാര്‍ച്ചില്‍ മുന്‍നിര നക്‌സല്‍, മാവോയിസ്റ്റ് സംഘടനകളും പങ്കെടുക്കുമെന്നു പ്രഖ്യാപിച്ചിട്ടുണ്ട്.
വയൽക്കിളികളുടെ സമരത്തിനെതിരേ നാടിനു കാവൽ എന്ന പ്രമേയത്തിൽ സിപിഎമ്മിന്‍റെ നേതൃത്വത്തിൽ ശനിയാഴ്ച പ്രകടനം സംഘടിപ്പിച്ചിരുന്നു.
