ചെങ്ങന്നൂരിൽ അഡ്വ.ഡി.വിജയകുമാർ യു.ഡി.എഫ് സ്ഥാനാർത്തി
ചെങ്ങന്നൂര്‍ ഉപതെരെഞ്ഞടുപ്പില്‍ അഡ്വ. ഡി. വിജയകുമാര്‍ യുഡിഎഫ് സ്ഥാനാര്‍ത്ഥി. ഡി. വിജയകുമാറിനെ സ്ഥാനാര്‍ത്ഥിയാക്കുന്നതിനു കോണ്‍ഗ്രസ് സംസ്ഥാന നേതൃത്വം തീരുമാനിച്ചു. തീരുമാനം ഹൈക്കമാന്‍ഡിന്റെ അംഗീകാരത്തോടെ രണ്ടു ദിവസത്തിനകം പ്രഖ്യാപിക്കുമെന്നാണ് വിവരം.ചെങ്ങന്നൂര്‍ കാര്‍ഷിക സമിതി അംഗം, കെപിസിസി അംഗം എന്നീ നിലകളില്‍ മണ്ഡലത്തില്‍ വിജയകുമാറിനുള്ള സ്വാധീനം വോട്ടയായി മാറുമെന്ന പ്രതീക്ഷയിലാണ് യുഡിഎഫ്.
സിപിഐഎമ്മിനു വേണ്ടി ജില്ലാ സെക്രട്ടറി സജി ചെറിയാനായിരിക്കും മത്സരിക്കുക. ചെങ്ങന്നൂര്‍ ഉപതിരെഞ്ഞടുപ്പില്‍ ബിജെപിക്കു വേണ്ടി പി എസ് ശ്രീധരന്‍പിള്ളയാണ് മത്സരിക്കുന്നത്. ശ്രീധരന്‍ പിള്ളയിലൂടെ കേരള നിയമസഭയിലേക്ക് തങ്ങളുടെ രണ്ടാമത്തെ അംഗത്തെയാണ് പാര്‍ട്ടി സ്വപ്നം കാണുന്നത്.
