അഴീക്കോട് സിപിഎം ഒഫീസിന് നേരെ ബോംബേറ്
അഴീക്കോട് തെക്കുഭാഗം സിപിഎം ബ്രാഞ്ച് കമ്മിറ്റി ഓഫീസിനുനേരേ ബോംബേറ്. ഇന്ന് പുലർച്ചെയാണ് ബോംബേറുണ്ടായതെന്ന് പോലീസ് പറഞ്ഞു. ബോംബേറില് ഓഫീസിന്റെ വാതിലുകളും ജനലുകളും തകര്ന്നു. ഓഫീസിലെ അലമാര, മേശ, കസേര തുടങ്ങിയവ. പൂര്ണ്ണമായും തകർന്ന നിലയിലാണ്. സിപിഎം അഴീക്കോട് സൗത്ത് ലോക്കൽ സെക്രട്ടറി മണ്ടൂക്ക് മോഹനന്റെ പരാതി പ്രകാരം വളപട്ടണം പോലീസ് കേസെടുത്തു. സംഭവത്തിന് പിന്നില് ആര്എസ്എസ് ആണെന്ന് സി പി എം ആരോപിച്ചു. രണ്ടാഴ്ച മുന്പ് പൂതപ്പാറയിലെ ബിജെപി ഓഫീസായ കെ.ടി. ജയകൃഷ്ണൻ സ്മാരക മന്ദിരത്തിന് നേരെയും ആക്രമമുണ്ടായിരുന്നു. .