അഴീക്കോട്ടെ ബോംബേറ്: മൂന്ന് സിപിഎം പ്രവർത്തകർ അറസ്റ്റിൽ
അഴീക്കോട് മേഖലയിൽ ബിജെപി പ്രവർത്തകരെ ബോംബെറിഞ്ഞ കേസിൽ മൂന്ന് സിപിഎം പ്രവർത്തകരെ വളപട്ടണം പോലീസ് അറസ്റ്റ് ചെയ്തു. അഴീക്കോട് സ്വദേശികളും സിപിഎം പ്രവർത്തകരുമായ സജേഷ് (30), ജിഷിത്ത് (20), ജിതിൽ (23)എന്നിവരേയാണ് വളപട്ടണം എസ്ഐ ശ്രീജിത്ത് കൊടേരിയും സംഘവും അറസ്റ്റ് ചെയ്തത്. കഴിഞ്ഞ ഏഴിന് രാത്രി ബൈക്കിൽ സഞ്ചരിക്കുകയായിരുന്ന ബിജെപി പ്രവർത്തകരായ കാപ്പിലെപീടികയിലെ ലജേഷ്, നിഖിൽ എന്നിവർക്കാണ് ബോംബേറിൽ പരിക്കേറ്റത്. കൈക്കും കാലിനും പരിക്കേറ്റ് ഇവർ തലശേരി ഇന്ദിരാഗാന്ധി സഹകരണ ആശുപത്രിയിൽ ചികിത്സയിലാണ്