ധർമ്മടത്ത് സി.പി.എം ,ബി.ജെ.പി സംഘർഷം തുടരുന്നു
ധർമടത്ത് സിപിഎം-ബിജെപി സംഘർഷം രൂക്ഷമാകുന്നു. ആർഎസ്എസ് സേവാകേന്ദ്രത്തിനു നേരേ അർധരാത്രി ബോംബാക്രമണം നടന്നു. ശനിയാഴ്ച രാത്രി സിപിഎം ഓഫീസിനുനേരേ നടന്ന അക്രമത്തിനു പിന്നാലെയാണ് ഞായറാഴ്ച രാത്രി ആർഎസ്എസ് സേവാകേന്ദ്രത്തിനും നേരേ ബോബാക്രമണം നടന്നത്.
ധർമടം സത്രത്തിനു സമീപം പ്രവർത്തിക്കുന്ന ആർഎസ്എസ് സേവാകേന്ദ്രമായ ഗുരുമന്ദിരത്തിനുനേരേയാണ് ബോംബേറുണ്ടായത് . ധർമടം പോലീസ് സ്ഥലത്തെത്തി പരിശോധന നടത്തി.
ശനിയാഴ്ച രാത്രി ധർമടം സ്വാമിക്കുന്നിലെ സിപിഎം ഓഫീസിനുനേരേ അക്രമം നടന്നിരുന്നു. ബിജെപി പ്രവർത്തകരാണ് ഓഫീസ് അക്രമം നടത്തിയതെന്നും സിപിഎം ആരോപിച്ചിരുന്നു.