പയ്യന്നൂർ എട്ടിക്കുളത്ത് കത്തിക്കുത്ത് ; രണ്ട് പേർക്ക് ഗുരുതര പരിക്ക്
എട്ടിക്കുളം ബീച്ച് റോഡിലുണ്ടായ കത്തിക്കുത്തില്‍ അഞ്ച് പേര്‍ക്ക് പരിക്ക്.കുത്തേറ്റ രണ്ടുപേരുടെ നില ഗുരുതരം.പൂര്‍വവൈരാഗ്യമാണ് കത്തിക്കുത്തില്‍ കലാശിച്ചത്. ചൊവ്വാഴ്ച രാവിലെ 11.30 ഓടെയാണ് സംഭവം.
എട്ടിക്കുളം ഹൈസ്‌കൂളിന് സമീപം താമസിക്കുന്ന പി.റാഷിദ് (22), എം.കെ.പി.ജവാദ്(23), എന്‍.പി.ശ്യാമില്‍(22), ഇ.പി.മുഹമ്മദ് (23), പി.മുസ്താഖ് (22) എന്നിവര്‍ക്കാണ് കുത്തേറ്റ് പരിക്ക് പറ്റിയത്. ഗുരുതരമായി പരിക്കേറ്റ റാഷിദിനേയും ജവാദിനേയും പരിയാരം മെഡിക്കല്‍ കോളജില്‍ പ്രവേശിപ്പിച്ചു.പരിക്ക് ഗുരുതരമായിരുന്ന റാഷിദിനെ പിന്നീട് കണ്ണൂരിലെ സ്വകാര്യ ആശുപത്രിയിലേക്ക് മാറ്റി.
