മകളെ ശല്യം ചെയ്യുന്നത് ചോദ്യമചെയ്ത പിതാവിനെ വെട്ടിപ്പരിക്കേൽപ്പിച്ചു; രണ്ടുപേർ പിടിയിൽ
![](https://www.newswings.online/wp-content/uploads/2024/01/tvm.jpg)
തിരുവനന്തപുരത്ത് മകളെ ശല്യം ചെയ്യുന്നത് വിലക്കിയ പിതാവിനെ വെട്ടിപ്പരിക്കേൽപ്പിച്ച പ്രതികൾ പിടിയിൽ. കേസിലെ രണ്ടാം പ്രതിയായ പാറവിള കുഴിയൻവിള ലക്ഷംവീട്ടിൽ പാപ്പി എന്ന സുജിത്ത് (22) മൂന്നാം പ്രതി കല്ലടിച്ചാംമൂല ആലു നിന്നവിള വീട്ടിൽ അച്ചു (21) എന്നിവരാണ് അറസ്റ്റിലായത്. ഇരുവരെയും കോവളം പോലീസാണ് പിടികൂടിയത്.
കഴിഞ്ഞ ദിവസമാണ് സുരേഷ്(46) എന്നയാൾക്ക് നേരെ പൂങ്കുളം ചാമുണ്ഡി ക്ഷേത്രത്തിനു സമീപം ആക്രമണമുണ്ടായത്. പൂങ്കുളത്തെ ടർഫിനടുത്ത് വച്ച് പ്രതികൾ സുരേഷിനെ തലയിൽ വെട്ടിപ്പരിക്കേൽപ്പിക്കുകയായിരുന്നു. കേസിൽ ഉൾപ്പെട്ട മൂന്നുപേർ ഒളിവിലാണ്. ഇവരെ പിടികൂടാൻ പോലീസ് അന്വേഷണം ശക്തമാക്കി.