മികച്ച നടന്‍ മമ്മൂട്ടി, നടി വിന്‍സി, നന്‍ പകല്‍ നേരത്ത് മയക്കം ചിത്രം
കേരള സംസ്ഥാന ചലച്ചിത്ര അവാര്‍ഡുകള്‍ മന്ത്രി സജി ചെറിയാന്‍ പ്രഖ്യാപിച്ചു. മമ്മൂട്ടിയാണ് മികച്ച നടന്‍, നന്‍പകല്‍ നേരത്ത് മയക്കം സിനിമയ്ക്കാണ് പുരസ്കാരം. ആറാം തവണയാണ് മമ്മൂട്ടി മികച്ച നടനുള്ള പുരസ്കാരം നേടുന്നത്. ഇത് കൂടാതെ മികച്ച രണ്ടാമത്തെ നടനുള്ള പുരസ്കാരം, സ്‌പെഷ്യല്‍ ജൂറി പുരസ്‌കാരവും മമ്മൂട്ടി നേടിയിട്ടുണ്ട്. എട്ടോളം അവാര്‍ഡുകളാണ് ന്നാ താന്‍ കേസ് കൊട് നേടിയത്.
ഗൗതം ഘോഷ് ആണ് ജൂറി ചെയര്‍മാന്‍. 49 സിനിമകളാണ് അവസാന റൗണ്ടില്‍ എത്തിയത്. ഇത്തവണ 154 ചിത്രങ്ങളാണ് മത്സരിക്കാനുണ്ടായിരുന്നത്. ഒന്നാം ഉപസമിതിയില്‍ സംവിധായകനും കലാസംവിധായകനും ചിത്രകാരനുമായ നേമം പുഷ്പരാജാണ് ചെയര്‍മാന്‍. എഴുത്തുകാരായ വി.ജെ. ജയിംസ്, ഡോ. കെ.എം ഷീബ, കലാസംവിധായകന്‍ റോയ് പി. തോമസ് എന്നിവരാണ് അംഗങ്ങള്‍. രണ്ടാംസമിതിയില്‍ സംവിധായകന്‍ കെ.എം. മധുസൂദനനാണ് ചെയര്‍മാന്‍. നിര്‍മാതാവ് ബി.കെ രാകേഷ്, സംവിധായകരായ സജാസ് റഹ്‌മാന്‍, വിനോദ് സുകുമാരന്‍ എന്നിവരാണ് അംഗങ്ങള്‍.
പുരസ്‌കാരങ്ങള്‍ ഇങ്ങനെ:
മികച്ച ചിത്രം: നന്‍പകല്‍ നേരത്ത് മയക്കം – ലിജോ ജോസ് പെല്ലിശേരി
മികച്ച രണ്ടാമത്തെ ചിത്രം: അടിത്തട്ട് -ജിജോ ആന്റണി
മികച്ച നടന്‍: മമ്മൂട്ടി – നന്‍പകല്‍ നേരത്ത് മയക്കം
മികച്ച നടി: വിന്‍സി അലോഷ്യസ് – രേഖ
മികച്ച സംവിധായകന്‍: മഹേഷ് നാരായണന്‍ – അറിയിപ്പ്
മികച്ച ചലച്ചിത്രഗ്രന്ഥം: സിനിമയുടെ ഭാവനാദേശങ്ങൾ, സി എസ് വെങ്കിടേശ്വരൻ
ചലച്ചിത്രലേഖനം: പുനസ്ഥാപനം എന്ന നവേന്ദ്രജാലം, സാബു പ്രവദാസ്
പ്രത്യേക ജൂറിപരാമർശം: ബിശ്വജിത് എസ്, ഇരവരമ്പ്
റാഡിഷ്, വേട്ടപ്പട്ടികളും ഓട്ടക്കാരും
മികച്ച സംവിധായകൻ, സ്ത്രീ സിനിമ: ശ്രുതി ശരണ്യം
മികച്ച വിഎഫ്എക്എസ്: അനീഷ് ഡി, സുമേഷ് ഗോപാൽ (വഴക്ക്)
ജനപ്രിയ സിനിമ: ന്നാ താൻ കേസ് കൊട്
മികച്ച കുട്ടികളുടെ ചിത്രം – പല്ലൊട്ടി 90സ് കിഡ്സ്
മികച്ച നൃത്ത സംവിധാനം – ഷോബി പോൾ രാജ്- തല്ലുമാല
മികച്ച ഡബ്ബിങ് ആര്‍ട്ടിസ്റ്റ്- ഷോബി തിലകന്‍ (പത്തൊന്‍പതാം നൂറ്റാണ്ട്)
മികച്ച വസ്ത്രാലങ്കാരം – മഞ്ജുഷ രാധാകൃഷ്ണൻ – സൗദി വെള്ളക്ക
മികച്ച ഡബ്ബിങ് (വനിത)- പൗളി വത്സണ് (സൗദി വെള്ളക്ക)
മികച്ച മേക്കപ്പ് ആർട്ടിസ്റ്റ് – റോണക്‌സ് സേവ്യർ – ഭീഷ്മപർവം
മികച്ച ശബ്ദ മിശ്രണം – ബിപിൻ നായർ – ന്നാ താൻ കേസ് കൊട്
മികച്ച സിങ് സൗണ്ട് – വൈശാഖ് പി വി – അറിയിപ്പ്
കലാസംവിധായകന്‍- ജ്യോതിഷ് ശങ്കർ- ന്നാ താന്‍ കൊട്
മികച്ച സയോജകൻ – നിഷാദ് യൂസഫ് – തല്ലുമാല
മികച്ച പിന്നണി ഗായിക – മൃദുല വാര്യർ – 19ആം നൂറ്റാണ്ട്
ഗായകൻ – കപിൽ കപിലൻ – പല്ലൊട്ടി 90സ് കിഡ്സ്
സംഗീത പശ്ചാത്തല സംവിധായകന്‍- ഡോണ്‍വിന്‍സന്റ് – ന്നാ താന്‍ കേസ് കൊട്
മികച്ച സംഗീത സംവിധായകന്‍ – എം ജയചന്ദ്രൻ
ഗാന രചയിതാവ്- റഫീഖ് അഹമ്മദ്
