നിപ: 15 പേരുടെ പരിശോധനാ ഫലം കൂടി നെഗറ്റീവ്
സമ്പര്ക്കപ്പട്ടികയിലുള്ള 15 പേരുടെ നിപ വൈറസ് പരിശോധനാ ഫലം കൂടി നെഗറ്റീവായെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. കഴിഞ്ഞ ദിവസങ്ങളില് എടുത്ത സാമ്പിളുകളുടെ പരിശോധനാഫലമാണ് നെഗറ്റീവായത്.
കോഴിക്കോട് മെഡിക്കല് കോളേജിലെ ലാബില് നടത്തിയ പരിശോധനാ ഫലമാണ് പുറത്ത് വന്നത്. ഇതോടെ ആകെ നെഗറ്റീവ് ആയവരുടെ എണ്ണം 61 ആയി.
സമ്പര്ക്കപ്പട്ടികയിലുള്ള കൂടുതല് പേരുടെ സാമ്പിളുകള് ഇന്ന് പരിശോധിക്കും. നിലവില് കോഴിക്കോട് മെഡിക്കല് കോളേജില് 64 പേരാണ് നിരീക്ഷണത്തിലുള്ളത്.