ബി.ജെ.പി എം.പി രാം സ്വരൂപ് വീട്ടില്‍ മരിച്ച നിലയില്‍
ഹിമാചല്‍ പ്രദേശില്‍ നിന്നുള്ള ബിജെപി എംപി റാം സ്വരൂപ് ശര്‍മയെ(62) മരിച്ച നിലയില്‍ കണ്ടെത്തി. ന്യൂഡല്‍ഹിയിലെ വസതിയിലാണ് മൃതദേഹം കണ്ടെത്തിയത്.
ആര്‍.എം.എല്‍ ആശുപത്രിക്ക് സമീപത്തെ ഗോമതി അപാര്‍ട്മെന്‍റിലെ ഫ്ലാറ്റിലെ സീലിങ് ഫാനില്‍ തൂങ്ങിയ നിലയിലായിരുന്നു മൃതദേഹം. ആത്മഹത്യയെന്നാണ് പ്രാഥമിക നിഗമനം.
വാതില്‍ ഉള്ളില്‍ നിന്ന് പുട്ടിയ നിലയിലായിരുന്നു. പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. റാം സ്വരൂപ് ശര്‍മയുടെ നിര്യാണത്തെ തുടര്‍ന്ന് ബി.ജെ.പി പാര്‍ലമെന്‍ററി പാര്‍ട്ടി യോഗം റദ്ദാക്കി.
2014ലാണ് അദ്ദേഹം ആദ്യമായി പാര്‍ലമെന്‍റിലേക്ക് തെരഞ്ഞെടുക്കപ്പെട്ടത്. 2019ല്‍ വീണ്ടും തെരഞ്ഞെടുക്കപ്പെട്ടു.
