ധോണി ഇന്ത്യൻ ക്രിക്കറ്റിന് നൽകിയ സംഭാവന വളരെ വലുത്: സച്ചിൻ
റാഞ്ചി: ഇന്ത്യൻ മുൻ നായകൻ മഹേന്ദ്രസിംഗ് ധോണി ഇന്ത്യൻ ക്രിക്കറ്റിന് നൽകിയ സംഭാവന വളരെ വലുതാണെന്ന് ക്രിക്കറ്റ് ഇതിഹാസം സച്ചിൻ തെണ്ടുൽക്കർ. രാജ്യാന്തര ക്രിക്കറ്റിൽ നിന്ന് വിരമിച്ച ധോണിക്ക് ആശംസകൾ അറിയിച്ച് കൊണ്ടുള്ള ട്വീറ്റിലാണ് സച്ചിന്റെ പ്രതികരണം.
2011 ലോകകപ്പ് ഒരുമിച്ച് നേടിയത് എന്റെ ജീവിതത്തിലെ ഏറ്റവും മികച്ച നിമിഷമാണ്. താങ്കളുടെ രണ്ടാം ഇന്നിംഗ്സിന് താങ്കൾക്കും താങ്കളുടെ കുടുംബത്തിനും എല്ലാവിധ ആശംസകളും നേരുന്നു.- സച്ചിൻ ട്വീറ്റ് ചെയ്തു.
ശനിയാഴ്ച വൈകിട്ടാണ് ധോണി അന്താരാഷ്ട്ര ക്രിക്കറ്റില്നിന്ന് വിരമിച്ചത്. “നിങ്ങളുടെ എല്ലാ സ്നേഹത്തിനും പിന്തുണയ്ക്കും നന്ദി. 19:29 മുതൽ മുതൽ ഞാൻ വിരമിച്ചതായി കണക്കാക്കാം.’-ഏറ്റവും മിതമായ വാക്കുകളിലായിരുന്നു ധോണിയുടെ വിരമിക്കൽ പ്രഖ്യാപനം.