ശ്രീചിത്ര ഇന്സ്റ്റിറ്റ്യൂട്ടില് രണ്ട് രോഗികള്ക്ക് കൊവിഡ്: 21 ജീവനക്കാര് നിരീക്ഷണത്തില്
തിരുവനന്തപുരം: ശ്രീചിത്ര ഇന്സ്റ്റിറ്റ്യൂട്ടില് ചികിത്സക്കെത്തിയ രണ്ട് രോഗികള്ക്ക് കൊവിഡ്. എട്ട് ഡോക്ടര്മാര് അടക്കം 21 ജീവനക്കാരെ നിരീക്ഷണത്തില് പ്രവേശിപ്പിച്ചു. പതിനഞ്ചാം തിയതി രോഗം കണ്ടെത്തിയ രോഗികളെ മെഡിക്കല് കോളേജിലേക്ക് മാറ്റി. ഇവര്ക്ക് എവിടെനിന്നാണ് രോഗം ബാധിച്ചതെന്നും വ്യക്തമല്ല.
കഴിഞ്ഞദിവസം നാല് ഡോക്ടര്മാര്ക്ക് കൊവിഡ് സ്ഥിരീകരിച്ചതിനെ തുടര്ന്ന് തിരുവനന്തപുരം മെഡിക്കല് കോളേജ് ആശുപത്രിയിലെ സര്ജറി വാര്ഡ് അടച്ചിരുന്നു. രണ്ടു പി.ജി ഡോക്ടര്മാര്ക്കും രണ്ടു ഹൗസ് സര്ജനുമാണ് രോഗം സ്ഥിരീകരിച്ചത്. ഇവരോട് സമ്പര്ക്കം പുലര്ത്തിയ 30 ഡോക്ടര്മാരും നിരീക്ഷണത്തിലാണ്.