കേരളമടക്കം നാല് സംസ്ഥാനങ്ങളില്‍ നിന്നുള്ളവരെ കര്‍ണാടകത്തില്‍ പ്രവേശിപ്പിക്കില്ല: നടപടി മെയ് 31 വരെ
ബംഗളൂരു: ഗുജറാത്ത്, മഹാരാഷ്ട്ര, കേരളം, തമിഴ്‌നാട് എന്നിവിടങ്ങളില്‍ നിന്നുള്ളവരെ മെയ് 31 വരെ സംസ്ഥാനത്ത് അനുവദിക്കില്ലെന്ന് കര്‍ണാടക മുഖ്യമന്ത്രി ബി,എസ് യെദ്യൂരപ്പ.
നാലാംഘട്ട ലോക്ഡൗണില്‍ ഇരു സംസ്ഥാനങ്ങളുടെയും പരസ്പര സമ്മതത്തോടെ അന്തര്‍ സംസ്ഥാന ഗതാഗതം അനുവദിക്കാമെന്ന് കേന്ദ്രസര്‍ക്കാര്‍ അറിയിച്ചിരുന്നു. എന്നാല്‍ മേയ് 31 വരെ ഈ നാലു സംസ്ഥാനങ്ങളില്‍നിന്നുള്ളവര്‍ക്ക് കര്‍ണാടക പ്രവേശനം വിലക്കുകയായിരുന്നു.
1100 ല്‍ അധികം പേര്‍ക്കാണ് കര്‍ണാടകയില്‍ കോവിഡ് റിപ്പോര്‍ട്ട് ചെയ്തത്. 300 പേര്‍ മരിക്കുകയും ചെയ്തു. ലോക്ഡൗണില്‍ അവശ്യ സേവനങ്ങള്‍ക്ക് മാത്രമാണ് കര്‍ണാടകയില്‍ അനുമതി നല്‍കുവെന്ന് ഉപമുഖ്യമന്ത്രി അശ്വാന്ത് നാരായണ്‍ അറിയിച്ചു.
