പ്രവാസികൾ വ്യാഴാഴ്ച മുതൽ തിരിച്ചെത്തും : ടിക്കറ്റ് ചാര്ജ് പ്രവാസികള് വഹിക്കണം
വിദേശത്തുള്ള ഇന്ത്യക്കാർ വ്യാഴാഴ്ച മുതൽ തിരിച്ചെത്തും. ഘട്ടം ഘട്ടമായി നാട്ടിലെത്തിച്ചു തുടങ്ങാനാണ് തീരുമാനം. ടിക്കറ്റ് ചാര്ജ് പ്രവാസികള് തന്നെ നല്കണം.ഏതു രാജ്യത്തുനിന്നാണോ കപ്പലിലോ വിമാനത്തിലോ കയറുന്നത് അവിടെ വെച്ചു തന്നെ അവരുടെ പൂര്ണ പരിശോധന നടത്തും. കോവിഡ് ഇല്ലെന്ന് ഉറപ്പാക്കിയതിനു ശേഷമേ യാത്രയ്ക്ക് അനുവദിക്കുകയുള്ളൂ.
ഇന്ത്യയിലെത്തിച്ച ശേഷം ഇവരെ വിവിധ സംസ്ഥാനങ്ങളില് സജ്ജമാക്കിയ ക്വാറന്റൈന് കേന്ദ്രങ്ങളിലേക്ക് മാറ്റും. 14 ദിവസം ക്വാറന്റൈനില് കഴിയണം. കപ്പലുകളും സൈനിക വിമാനങ്ങളും വാണിജ്യവിമാനങ്ങളും ഉപയോഗിച്ചാണ് ഇവരെ ഇന്ത്യയിലേക്ക് കൊണ്ടുവരിക.