ജീവനക്കാരന് കൊവിഡ്: സിആര്‍പിഎഫ് ആസ്ഥാനം അടച്ചു
ഡല്‍ഹി: ജീവനക്കാരന് കൊവിഡ് 19 സ്ഥിരീകരിച്ചതോടെ സിആര്‍പിഎഫ് ആസ്ഥാനം അടച്ചു. ശുചീകരണത്തിനായാണ് ആസ്ഥാനം അടച്ചത്. ഇതിനുശേഷം വീണ്ടും സിആര്‍പിഎഫ് ആസ്ഥാനം തുറക്കും.
ഡല്‍ഹിയില്‍ 68 സിആര്‍പിഎഫ് ജവാന്മാര്‍ക്ക് കൂടി കഴിഞ്ഞ ദിവസം കോവിഡ് സ്ഥിരീകരിച്ചിരുന്നു. മയൂര്‍ വിഹാര്‍ ഫേസ്-3 ഖോഡ കോളനിയിലെ 31-ാം ബറ്റാലിയനിലെ ജവാന്മാര്‍ക്കാണ് വൈറസ് ബാധ പോസിറ്റീവ് ആയത്. ഇതോടെ ഈ ബറ്റാലിയിനിലെ മൊത്തം രോഗബാധിതരുടെ എണ്ണം 122 ആയി ഉയരുകയും ചെയ്തു.
