കൊവിഡ് 19: ലോകത്ത് 165,058 മരണം, രോഗബാധിതതരുടെ എണ്ണം 24 ലക്ഷം കടന്നു
ലണ്ടന്‍: ലോകത്ത് കൊവിഡ് ബാധിതതരുടെ എണ്ണം 24 ലക്ഷം കടന്നു. 2,406,905 പേര്‍ക്കാണ് ഇതുവരെ രോഗം സ്ഥിരീകരിച്ചത്. ഇതില്‍ 165,058 പേര്‍ മരിച്ചു. 617,013 പേര്‍ രോഗ മുക്തരായി.
ഏറ്റവും കൂടുതല്‍ ആളുകള്‍ മരിച്ച അമേരിക്കയില്‍ മരണം നാല്‍പതിനായിരം കടന്നു. 40,555 പേരാണ് ഇതുവരെ മരിച്ചത്. 763,836 പേര്‍ക്ക് രോഗം സ്ഥിരീകരിച്ചു.
സ്പെയിനില്‍ 1,98,674 പേര്‍ക്കും ഇറ്റലിയില്‍ 1,78,972 പേര്‍ക്കും ഫ്രാന്‍സില്‍ 1,52,894 പേര്‍ക്കും ജര്‍മനിയില്‍ 1,45,742 പേര്‍ക്കുമാണ് രോഗം ബാധിച്ചിട്ടുള്ളത്. സ്പെയിനില്‍ വൈറസ് ബാധിച്ച്‌ 20,453 പേര്‍ മരണത്തിനു കീഴടങ്ങിയപ്പോള്‍ ഇറ്റലിയില്‍ 23,660ഉം ഫ്രാന്‍സില്‍ 19,718ഉം ജര്‍മനിയില്‍ 4,642 ഉം പേര്‍ മരണത്തിനു കീഴടങ്ങി. ബ്രിട്ടനില്‍ 1,20,067 പേര്‍ക്കാണ് വൈറസ് ബാധയുള്ളത്. ഇവിടെ 16,060 പേരാണ് മരിച്ചത്.
