ലോക്ഡൗണ് മെയ് 7 വരെ നീട്ടി തെലങ്കാന
ഹൈദരാബാദ്: കൊറോണ വൈറസ് വ്യാപനത്തിന്റെ പശ്ചാത്തലത്തില് തെലുങ്കാനയില് ലോക്ക്ഡൗണ് നീട്ടി. മേയ് ഏഴ് വരെ ലോക്ക്ഡൗണ് നീട്ടിയതായി തെലുങ്കാന മുഖ്യമന്ത്രി കെ. ചന്ദ്രശേഖര് റാവു അറിയിച്ചു. രാജ്യത്ത് മേയ് മൂന്നിനുശേഷം ലോക്ക്ഡൗണ് നീട്ടുന്ന ആദ്യ സംസ്ഥാനമാണ് തെലുങ്കാന. നിലവില് കേന്ദ്രസര്ക്കാര് രാജ്യവ്യാപകമായി മേയ് മൂന്ന് വരെയാണ് ലോക്ക്ഡൗണ് പ്രഖ്യാപിച്ചിരിക്കുന്നത്.
രോഗികളുടെ എണ്ണം ഉയരുന്ന സാഹചര്യത്തിലാണ് ലോക്ക്ഡൗണ് നീട്ടാനുള്ള തീരുമാനം. എന്നാല് കൃഷിക്കും അനുബന്ധ പ്രവര്ത്തനങ്ങള്ക്കും ലോക്ക്ഡൗണ് ഇളവ് അനുവദിക്കുമെന്ന് അറിയിച്ചിട്ടുണ്ട്. 844 പേര്ക്ക് രോഗം സ്ഥിരീകരിച്ച തെലുങ്കാനയില് ഇതിനോടകം 18 മരണങ്ങള് റിപ്പോര്ട്ട് ചെയ്തിട്ടുണ്ട്. ഹൈദരാബാദിലാണ് രോഗബാധിതര് ഏറെയും.