എം.കെ. അർജുനൻ മാസ്റ്ററുടെ സംസ്കാരം സംസ്ഥാന ബഹുമതികളോടെ : എം.കെ. അർജുനൻ അനശ്വര സംഗീത സംവിധായകനെന്ന് മുഖ്യമന്ത്രി
എം.കെ. അർജുനന്റെ നിര്യാണത്തിൽ മുഖ്യമന്ത്രി പിണറായി വിജയൻ അനുശോചനം രേഖപ്പെടുത്തി. അർജുനന്റെ വിയോഗം നികത്താനാക്കാത്ത നഷ്ടമാണെന്നും മുഖ്യമന്ത്രി പറഞ്ഞു.നാടക-ചലച്ചിത്ര കലകളിലൂടെ മലയാളിക്ക് ലഭിച്ച അനശ്വര സംഗീത സംവിധായകനാണ് അർജുനൻ മാഷ്. അദ്ദേഹത്തിന്റെ വിയോഗം സംഗീതലോകത്തിന് മാത്രമല്ല സമൂഹത്തിനാകെ നികത്താനാവാത്ത നഷ്ടമാണെന്നും മുഖ്യമന്ത്രി കൂട്ടിച്ചേർത്തു.
എം.കെ. അർജുനൻ മാസ്റ്ററുടെ സംസ്കാരം സംസ്ഥാന ബഹുമതികളോടെ നടത്തുമെന്ന് മന്ത്രി എ.കെ. ബാലൻ. കോവിഡ്- 19 ലോക്ക്ഡൗൺ നിലനിൽക്കുന്ന സാഹചര്യത്തിൽ നിയന്ത്രണങ്ങൾക്ക് വിധേയമായ സംസ്ഥാന ബഹുമതികളോടെയാകും സംസ്കാരമെന്നും അദ്ദേഹം പറഞ്ഞു.ഇന്ന് ഉച്ചയ്ക്ക് രണ്ടിന് പള്ളുരുത്തി ശ്മശാനത്തിലാണ് സംസ്കാരം.