യുഎപിഎ അറസ്റ്റ്: കേസില്‍ ഇടപെടില്ലെന്ന് സിപിഎം
തിരുവനന്തപുരം: മാവോയിസ്റ്റ് ബന്ധത്തിന്റെ പേരില്‍ സി.പി.എം പ്രവര്‍ത്തകരായ അലന്‍, താഹ എന്നീ വിദ്യാര്‍ത്ഥികള്‍ക്കെതിരെ യുഎപിഎ ചുമത്തിയതില്‍ മുന്‍ നിലപാടില്‍ നിന്ന് പിന്‍വലിച്ച്‌ സി.പി.എം സംസ്ഥാന സെക്രട്ടേറിയറ്റ്.
മാവോയിസ്റ്റ് അനുകൂല നിലപാട് എടുക്കുന്നവരെ ഒരു കാരണവശാലും അനുകൂലിക്കാന്‍ കഴിയില്ല. വിദ്യാര്‍ത്ഥികള്‍ക്കെതിരെ യു.എ.പി.എ ചുമത്തിയതില്‍ എതിര്‍പ്പുണ്ട്. എന്നാല്‍ യു.എ.പി.എ ചുമത്തിയുള്ള അറസ്റ്റില്‍ സി.പി.എം ഇടപെടില്ലെന്ന് സംസ്ഥാന സെക്രട്ടേറിയറ്റ് തീരുമാനിച്ചു.
യുഎപിഎ സമിതി ഇക്കാര്യത്തില്‍ തീരുമാനം എടുക്കട്ടെയെന്നും സെക്രട്ടേറിയറ്റ് അഭിപ്രായപ്പെട്ടു. അറസ്റ്റിലായവര്‍ക്ക് മാവോയിസ്റ്റ് ബന്ധമുണ്ടെന്ന് കോഴിക്കോട് ജില്ലാകമ്മിറ്റി സെക്രട്ടറിയേറ്റിനെ അറിയിച്ചു. സ്ഥിതി ഗുരുതരമെന്നും കോഴിക്കോട് ജില്ലാകമ്മിറ്റി സംസ്ഥാന സെക്രട്ടറിയേറ്റിനെ അറിയിച്ചു.
