കോട്ടയത്ത് പ്രകടനങ്ങൾക്കും പൊതുസമ്മേളനങ്ങൾക്കും നിയന്ത്രണം
![](https://www.newswings.online/wp-content/uploads/2019/11/kottayam.jpg)
അയോധ്യ വിധിയുടെ പശ്ചാത്തലത്തിൽ കോട്ടയം ജില്ലയിൽ ഏഴു ദിവസത്തേക്ക് കർക്കശമായ സുരക്ഷാ നിബന്ധനകൾ പോലീസ് ഏർപ്പെടുത്തി. മതസൗഹാർദം, സുരക്ഷ എന്നിവയെ ബാധിക്കാവുന്ന പ്രവർത്തനങ്ങൾ അനുവദിക്കില്ല.
ജില്ലാ പോലീസ് ചീഫ് നൽകുന്ന നിർദേശങ്ങൾഇങ്ങനെ
നശീകരണ വസ്തുക്കൾ സ്ഫോടക വസ്തുക്കൾ വെടിമരുന്ന്, ആയുധങ്ങൾ എന്നിവ ശേഖരിക്കാനോ കൊണ്ടുപോകാനോ പാടില്ല.മതവികാരം ആളിക്കത്തിക്കുന്നതും സമാധാനത്തെ ബാധിക്കുന്നതുമായ ചിത്രങ്ങൾ, ചിഹ്നങ്ങൾ, പ്ലക്കാർഡുകൾ, അച്ചടിച്ച കടലാസുകൾ, ലഘുലേഖകൾ, പുസ്തകങ്ങൾ, ഓഡിയോ, വിഡിയോ റിക്കോർഡിംഗുകൾ, പോസ്റ്ററുകൾ, ബാനറുകൾ എന്നിവ തയ്യാറാക്കാനോ പ്രദർശിപ്പിക്കാനോ വിതരണം ചെയ്യാനോ പ്രചരിപ്പിക്കാനോ പാടില്ല. അർഹതപ്പെട്ട അധികാരികളുടെ അനുമതിയില്ലാതെ പ്രകടനങ്ങളോ, പൊതു സമ്മേളനങ്ങളോ, റാലിയോ നടത്താൻ പാടില്ല.