പയ്യന്നൂരില്‍ ബിജെപി പ്രവര്‍ത്തകന്‍റെ വീടിന് മുന്നില്‍ സ്ഫോടനം
കണ്ണൂര്‍: കാങ്കോല്‍ ആലപ്പടമ്പില്‍ ബിജെപി പ്രവര്‍ത്തകന്‍റെ വീടിന് മുന്നില്‍ സ്ഫോടനം. ബിജെപി പ്രവര്‍ത്തകനും ജനം ടിവി ക്യാമറാമാനുമായ ശ്രീജയന്‍റെ വീടിന് മുന്നിലെ റോഡിലാണ് സ്ഫോടനമുണ്ടായത്. ബൈക്കിലെത്തിയ സംഘമാണ് സ്ഫോടനം നടത്തിയതെന്നാണ് സൂചന.
അര്‍ദ്ധരാത്രി 12.30 ഓടെയായിരുന്നു സ്ഫോടനം. ബൈക്കിലെത്തിയ സംഘമാണ് സ്ഫോടനം നടത്തിയതെന്നാണ് സൂചന. വിവരമറിഞ്ഞ് സ്ഥലത്തെത്തിയ പോലീസ് പരിസരങ്ങളില്‍ തെരച്ചില്‍ നടത്തി. ബോംബ് സ്ക്വാഡും ഫോറന്‍സിക് വിദഗ്ദരും സംഭവസ്ഥലത്തെത്തി കൂടുതല്‍ പരിശോധനകള്‍ നടത്തി.
മുമ്പ് ശ്രീജയന്‍റെ വീടിന് മുന്നില്‍ റീത്ത് വച്ച സംഭവമുണ്ടായിരുന്നു. സമീപത്ത് താമസിക്കുന്ന ശ്രീജയന്‍റെ ബന്ധുവായ ശ്രീകാന്തിന്‍റെ വീട്ടുമതില്‍ തകര്‍ത്ത സംഭവവും മുന്‍പുണ്ടായിട്ടുണ്ട്.
