രോഹിത്തിന് ഇരട്ട സെഞ്ചുറി: ഇന്ത്യ ശക്തമായ നിലയില്
റാഞ്ചി: ദക്ഷിണാഫ്രിക്കയ്ക്ക് എതിരായ മൂന്നാം ടെസ്റ്റില് ടോസ് ഒപ്പം നിന്നെങ്കിലും തൊട്ടതെല്ലാം പിഴയ്ക്കുന്ന ഒരു ഘട്ടത്തിലായിരുന്ന ഇന്ത്യ. വെളിച്ചക്കുറവും തുര്ച്ചയായി കാലിടറുന്ന ബാറ്റ്സ്മാന്മാരും എല്ലാം ചേര്ന്ന് ഒരു ദുരന്തത്തിലേക്ക് പോയി കൊണ്ടിരുന്ന ഇന്ത്യയെ തിരിച്ചുകയറ്റി രോഹിത് ശര്മ്മയുടെ കിടിലന് ഇന്നിങ്സ്. കരിയറിലെ ആദ്യ ഡബിള് സെഞ്ച്വറി നേടിയാണ് റാഞ്ചി ടെസ്റ്റില് രോഹിത് ഇന്ത്യയെ തകര്ച്ചയില് നിന്നും രക്ഷിച്ചത്. ടെസ്റ്റ് ഫോര്മാറ്റില് നിന്നും വ്യതിചലിച്ച് ഏകദിന മാതൃകയിലായിരുന്നു രോഹിത്തിന്റെ ബാറ്റിങ്.
ഉച്ചഭക്ഷണത്തിന് പിരിയുമ്പോള് 199 റണ്സെടുത്തു നിന്ന രോഹിത് തിരിച്ചുവന്ന് ഇരട്ടസെഞ്ച്വറി പൂര്ത്തിയാക്കി വിക്കറ്റും നല്കി മടങ്ങുകയും ചെയ്തു. 255 പന്തില് 28 ഫോറും ആറ് സിക്സറും അടക്കമാണ് രോഹിത് 212 റണ്സെടുത്തത്. ഒടുവില് റബാദയുടെ പന്തില് ഡീപ് ഫൈന് ലെഗ്ഗില് ലുംഗി എന്ഗിഡിക്ക് ക്യാച്ച് നല്കി മടങ്ങുമ്പോള് ഇന്ത്യയ്ക്ക് നിരാശയായിരുന്നില്ല, ആശ്വാസം തന്നെയായിരുന്നു ആ ഇന്നിങ്സില്.
https://twitter.com/BCCI/status/1185811199721529344
ടെസ്റ്റില് രോഹിത് ശര്മ ആദ്യമായി ഓപ്പണറായി കളിക്കുന്നു എന്ന പ്രത്യേകതയും ഈ പരമ്പരക്ക് ഉണ്ട്. വിശാഖപട്ടണത്ത് നടന്ന ആദ്യ ടെസ്റ്റില് രണ്ട് ഇന്നിംഗ്സിലും സെഞ്ചുറി നേടിയാണ് ഓപ്പണ് സ്ഥാനം രോഹിത് ആഘോഷിച്ചത്. ഏകദിന ക്രിക്കറ്റില് രോഹിത് ശര്മയുടെ പേരില് മൂന്ന് ഡബിള് സെഞ്ചുറികളുണ്ട്. ഏകദിന ക്രിക്കറ്റിലെ ഏറ്റവും ഉയര്ന്ന വ്യക്തിഗത സ്കോറും രോഹിത് ശര്മയുടെ പേരിലാണ്.
മൂന്ന് വിക്കറ്റിന് 39 എന്ന നിലയില് തകര്ന്നടിഞ്ഞ ഇന്ത്യയെ രഹാനയെ ഒപ്പം ചേര്ത്ത് രോഹിത് മത്സരത്തിലേക്ക് തിരിച്ചുകൊണ്ടുവരികയായിരുന്നു. ഡബില് സെഞ്ചുറി നേടിയ രോഹിത്തിനെ റബാഡ പവലിയന് കയറ്റി. നേരത്തെ രഹാനെയും സെഞ്ചുറി തികച്ചിരുന്നു. നിലവില് അഞ്ച് വിക്കറ്റ് നഷ്ടത്തില് 378 എന്ന നിലയിലാണ് ഇന്ത്യ.