ഫേസ്ബുക്കിൽ ന്യൂസ് വിഭാഗവും ഉൾപ്പെടുത്തി
ന്യൂയോർക്ക്: സോഷ്യൽമീഡിയ പ്ലാറ്റ്ഫോമായ ഫേസ്ബുക്കിൽ ന്യൂസ് വിഭാഗവും ഉൾപ്പെടുത്തി. ഫേസ്ബുക്ക് മൊബൈൽ ആപ്പിൽ പുതുതായി ഉൾപ്പെടുത്തിയിരിക്കുന്ന ‘ന്യൂസ് ടാബിൽ’ പ്രവേശിച്ചാൽ തലക്കെട്ടുകൾ കാണാം. ഇവിടെനിന്ന് നേരിട്ട് ന്യൂസ് സൈറ്റുകളിലേക്കോ ആപ്പുകളിലേക്കോ പോകാം.
ആദ്യ ഘട്ടം എന്നോണം അമേരിക്കയിലാണ് ന്യൂസ് ടാബ് ആരംഭിച്ചിരിക്കുന്നത്. വോൾസ്ട്രീറ്റ് ജേണൽ, വാഷിംഗ്ടൺ പോസ്റ്റ്, ബസ്ഫീഡ് ന്യൂസ്, ബിസിനസ് ഇൻസൈഡർ, എൻബിസി, യുഎസ്എ ടുഡേ, ലോസ് ആഞ്ചലസ് ടൈംസ് തുടങ്ങിയ വാർത്താ മാധ്യമങ്ങളുമായി സഹകരിച്ചാണ് ഈ സൗകര്യം ഒരുക്കിയിരിക്കുന്നത്. സേവനത്തിന് പ്രതിഫലമായി ഈ സ്ഥാപനങ്ങൾക്ക് ഫേസ്ബുക്ക് പണം നല്കുമെന്നാണ് റിപ്പോർട്ട്.
ആപ് അപ്ഡേഷനിൽ പുതിയ മാറ്റങ്ങൾ ലഭ്യമാവും. ഡിജിറ്റല് യുഗത്തിലെ വാര്ത്താ വിതരണത്തിന് പുതിയ രീതി അവലംബിക്കുകയാണ് തങ്ങളുടെ ലക്ഷ്യമെന്ന് ഫേസ്ബുക്ക് വിശദീകരിച്ചു.