തൃശൂരിൽ വൻ സ്വർണ വേട്ട; 30 കോടിയുടെ സ്വർണം പിടിച്ചു
തൃശൂർ: ജില്ലയുടെ വിവിധ ഭാഗങ്ങളിൽ നടന്ന റെയ്ഡിൽ കണക്കിൽപ്പെടാത്ത 121 കിലോ സ്വർണാഭരണങ്ങൾ പിടിച്ചെടുത്തു. സ്വർണത്തിന്റെ മൊത്തവിതരണ കേന്ദ്രങ്ങളിലാണ് റെയ്ഡ് നടന്നത്. 21 സ്ഥലങ്ങളിൽ നടന്ന റെയ്ഡിൽ സ്വർണാഭരണങ്ങൾക്ക് പുറമെ രണ്ട് കോടി രൂപയുടെ ഇന്ത്യൻ കറൻസിയും 2000 യുഎസ് ഡോളറും പിടിച്ചെടുത്തു.
പിടിച്ചെടുത്ത സ്വർണത്തിന് മുപ്പത് കോടി രൂപ മതിപ്പ് വില വരും. കസ്റ്റംസ് പ്രിവന്റീവ് ഡിവിഷനാണ് റെയ്ഡ് നടത്തിയത്. സംഭവുമായി ബന്ധപ്പെട്ട് 17 പേരെ അറസ്റ്റ് ചെയ്തിട്ടുണ്ട്.