ഡോ. പ്രമോദ് കുമാർ മിശ്ര പ്രധാനമന്ത്രിയുടെ പ്രിൻസിപ്പൽ സെക്രട്ടറി
ന്യൂഡൽഹി: പ്രധാനമന്ത്രി നരേന്ദ്ര മേദിയുടെ പുതിയ പ്രിൻസിപ്പൽ സെക്രട്ടറിയായി മുതിർന്ന ഐഎഎസ് ഉദ്യോഗസ്ഥൻ ഡോ. പ്രമോദ് കുമാർ മിശ്രയെ നിയമിച്ചു. കഴിഞ്ഞ മാസം രാജിവച്ച നൃപേന്ദ്ര മിശ്രയുടെ പകരക്കാരനായാണ് പ്രമോദ് കുമാർ എത്തുന്നത്.
1972 ഗുജറാത്ത് കേഡർ ഐഎഎസ് ഉദ്യോഗസ്ഥനായ പ്രമോദ് കുമാർ പ്രധാനമന്ത്രിയുടെ അഡീഷണൽ പ്രിൻസിപ്പൽ സെക്രട്ടറിയായിരുന്നു. കൃഷി, സഹകരണ സെക്രട്ടറിയായും ഗുജറാത്ത് ഇലക്ട്രിസിറ്റി റെഗുലേറ്ററി കമ്മീഷന് ചെയര്മാനായും സേവനമനുഷ്ടിച്ചിട്ടുണ്ട്. ദുരന്തനിവാരണ, ദുരന്തസാധ്യതാ ലഘൂകരണ രംഗത്തെ മികവിന് യുഎന് പുരസ്ക്കാരം ലഭിച്ചിട്ടുണ്ട്.