മലയാളത്തില് അരങ്ങേറ്റം കുറിക്കുവാനൊരുങ്ങി തമന്ന
തെന്നിന്ത്യന് സൂപ്പര് താരം തമന്ന മലയാളത്തില് അരങ്ങേറ്റം കുറിക്കുവാനൊരുങ്ങുന്നതായി റിപ്പോര്ട്ടുകള്. സന്ധ്യ മോഹന്റെ സംവിധാനത്തിലൊരുങ്ങുന്ന ‘സെന്ട്രല് ജയിലിലെ പ്രേതം’ എന്ന ഹൊറര് ചിത്രത്തിലൂടെയാണ് തമന്ന മലയാളത്തിലേക്ക് ചുവടുറപ്പിക്കുന്നതെന്നാണ് റിപ്പോര്ട്ടുകള്.
തിരക്കഥയും സംഭാഷണം ഒരുക്കുന്നത് അമല് കെ. ജോബിയാണ്. ഇന്ത്യന് ആര്ട്ട്സ് സ്റ്റുഡിയോ ആണ് ചിത്രം നിര്മിക്കുന്നത്. തമന്നയെ കൂടാതെ മലയാളത്തിലേയും തമിഴിലേയും പ്രമുഖതാരങ്ങളും ചിത്രത്തില് അണിനിരക്കുന്നുണ്ട്. എന്നാല് ചിത്രത്തിന്റെ കൂടുതല് വിവരങ്ങള് പുറത്തുവന്നിട്ടില്ല.