കശ്മീര് വിഷയം യുഎന് രക്ഷാ സമിതിയില്.
ന്യൂയോര്ക്ക്: ജമ്മു കശ്മീരിലെ പ്രത്യേക പദവി റദ്ദാക്കിയ ഇന്ത്യയുടെ തീരുമാനം ചര്ച്ച ചെയ്യണമെന്ന ചൈനയുടെയും പാകിസ്താന്റെയും അഭ്യര്ത്ഥന മാനിച്ച് യുഎന് രക്ഷാ സമിതി വെള്ളിയാഴ്ച ചേരും. വിഷയത്തില് അടഞ്ഞവാതില് ചര്ച്ചയാണ് ഉണ്ടാകുക. ജമ്മു കശ്മീരിന്റെ പ്രത്യേക ഭരണഘടന പദവി റദ്ദാക്കിയതു സംബന്ധിച്ച് പാകിസ്താന് പ്രമേയം അവതരിപ്പിക്കും.
നാളത്തെ ചര്ച്ചയില് സുപ്രധാന തീരുമാനങ്ങളൊന്നും ഉണ്ടാവാന് സാധ്യതയില്ലെന്നാണ് വിലയിരുത്തല്. കാരണം 15 അംഗ രക്ഷാസമിതിയില് പാകിസ്താനെ ചൈന പിന്തുണയ്ക്കുമ്പോള് യുഎസിന്റെ പിന്തുണ ഇന്ത്യയ്ക്കൊപ്പമാവും. അതിനാല്, കശ്മീര് വിഷയം അന്താരാഷ്ട്ര സമൂഹത്തിനു മുമ്പില് എത്തിക്കാന് പാകിസ്താന് കഴിയുമെന്നല്ലാതെ മറ്റു നടപടികള്ക്ക് സാധ്യതയില്ല.