കലാലായത്തിൽ നടക്കാൻ പാടില്ലാത്ത കാര്യം നടന്നു, കർശന നടപടിയെന്ന് മുഖ്യമന്ത്രി.
തിരുവനന്തപുരം: യൂണിവേഴ്സിറ്റി കോളജിലെ എസ്എഫ്ഐ അക്രമത്തിൽ പ്രതികരണവുമായി മുഖ്യമന്ത്രി പിണറായി വിജയൻ. ഒരു കലാലായത്തിൽ നടക്കാൻ പാടില്ലാത്ത കാര്യമാണു യൂണിവേഴ്സിറ്റി കോളജിൽ സംഭവിച്ചതെന്ന് അദ്ദേഹം പറഞ്ഞു.
ഇക്കാര്യത്തിൽ സർക്കാരുമായി ബന്ധപ്പെട്ട് എല്ലാ രീതിയിലും ശക്തമായ നടപടികൾ സ്വീകരിക്കും. സർക്കാരിന്റെ ഭാഗത്തുനിന്നു ലാഘവത്വമുണ്ടാകില്ലെന്നും മുഖ്യമന്ത്രി പറഞ്ഞു.തിരുവനന്തപുരത്തു വാർത്താസമ്മേളനത്തിൽ സംസാരിക്കവെയായിരുന്നു മുഖ്യമന്ത്രിയുടെ പ്രതികരണം.