കാസർഗോഡ് വാഹനാപകടം ; 2 പേർ മരിച്ചു
കാസർഗോട്ട് വാഹനാപകടത്തിൽ രണ്ടുപേർ മരിച്ചു. ബാഡൂർ സ്വദേശികളായ ബീഫാത്തിമ, മകൻ ഷരീഫ് എന്നിവരാണ് മരിച്ചത്. പുത്തിഗെ ബാഡൂരിൽ ഓംനി വാൻ മറിഞ്ഞായിരുന്നു അപകടം.
വ്യാഴാഴ്ച ഉച്ചയോടെയായിരുന്നു അപകടം. ബാഡൂർ സ്വദേശി ഷരീഫും കുടുംബവും സഞ്ചരിച്ച വാൻ നിയന്ത്രണംവിട്ട് താഴ്ചയിലേക്ക് മറിയുകയായിരുന്നു. ഒരു പെണ്കുട്ടി ഉൾപ്പെടെ മൂന്നുപേർക്ക് അപകടത്തിൽ ഗുരുതരമായി പരിക്കേറ്റു. ഇവർ ആശുപത്രിയിൽ ചികിത്സയിലാണ്.