ഒഡീഷയിൽ കുരുന്നിന് ചുഴലിക്കാറ്റിനിടയിൽ ജനനം ; പേര് ‘ഫോനി’
ഒഡീഷയിൽ ചുഴലിക്കാറ്റിനിടെ പിറന്ന കുഞ്ഞിനു പേര് ഫോനി. ഭുവനേശ്വറിൽനിന്ന് അഞ്ചു കിലോമീറ്റർ അകലെ മഞ്ചേശ്വറിലെ റെയിൽവെ ആശുപത്രിയിൽ ജനിച്ച പെണ്കുഞ്ഞിനാണു ഫോനി എന്നു നാമകരണം ചെയ്തത്.
വെള്ളിയാഴ്ച രാവിലെ 11.03-നായിരുന്നു പെണ്കുഞ്ഞിന്റെ ജനനം. കുട്ടിയുടെ അമ്മ റെയിൽവെ ജീവനക്കാരിയാണ്. മഞ്ചേശ്വറിലെ കോച്ച് റിപ്പയർ വർക്ക്ഷോപ്പിൽ സഹായിയായി ജോലി നോക്കുകയാണ് ഇവർ. അമ്മയും കുഞ്ഞും സുഖമായി ഇരിക്കുന്നുവെന്ന് ആശുപത്രി അധികൃതരും ഈസ്റ്റ് കോസ്റ്റ് റെയിൽവേ അധികൃതരും അറിയിച്ചു.
ഒഡീഷ തീരങ്ങളിൽ കനത്തനാശം വിതച്ച് ഫോനി ചുഴലിക്കാറ്റ് ആഞ്ഞടിക്കുകയാണ്. മൂന്നു പേർ മരിച്ചതായാണ് ഒടുവിലെ കണക്ക്. 245 കിലോമീറ്റർ വേഗത്തിൽ വരെ കാറ്റ് വീശിയെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. മഴയിലും കാറ്റിലും നിരവധി വീടുകളും കെട്ടിടങ്ങളും തകർന്നിട്ടുണ്ട്.