ചൂട് ; സംസ്ഥാനത്ത് അതീവ ജാഗ്രത
സംസ്ഥാന വ്യാപകമായി തിങ്കളാഴ്ച വരെ ചൂട് വർധിക്കാൻ സാധ്യത. ഇതേതുടർന്ന് ദുരന്തനിവാരണ അതോറിറ്റി അതീവജാഗ്രതാ നിർദേശം പുറപ്പെടുവിച്ചു. മുന്നറിയിപ്പിന്റെ പശ്ചാത്തലത്തിൽ ജനങ്ങൾ ജാഗ്രത പാലിക്കണമെന്നും ദുരന്തനിവാരണ അഥോറിറ്റി അറിയിച്ചു.
വയനാട് ഒഴികെയുള്ള ജില്ലകളിൽ താപനില രണ്ടു മുതൽ നാല് ഡിഗ്രി സെൽഷസ് വരെ ഉയരാൻ സാധ്യതയുണ്ട്. പകൽ 11 മുതൽ മൂന്നു വരെ നേരിട്ട് വെയിൽ ഏൽക്കുന്നത് പൂർണമായും ഒഴിവാക്കണമെന്നും ദുരന്തനിവാരണ അഥോറിറ്റി നിർദേശിച്ചു.
സൂര്യപ്രകാശം നേരിട്ട് എൽക്കേണ്ടി വരുന്ന തൊഴിൽ സമയം പുനഃക്രമീകരിച്ച് ലേബർ കമ്മീഷണർ ഉത്തരവിട്ടിട്ടുണ്ട്.