‘ചുരം കയറാൻ രാഹുൽ വരുമോ ‘ ; വയനാട് സീറ്റിൽ അന്തിമ തീരുമാനം ഇന്നെന്ന് ഉമ്മൻചാണ്ടി
ലോക്സഭാ തെരഞ്ഞെടുപ്പിൽ കോണ്ഗ്രസ് അധ്യക്ഷൻ രാഹുൽ ഗാന്ധി വയനാട്ടിൽനിന്നു മത്സരിക്കുന്നതു സംബന്ധിച്ച് അന്തിമ തീരുമാനം ഇന്ന് തന്നെ ഉണ്ടാകുമെന്ന് എഐസിസി ജനറൽ സെക്രട്ടറി ഉമ്മൻ ചാണ്ടി. ഹൈക്കമാൻഡ് അനുകൂല നിലപാട് സ്വീകരിക്കുമെന്നാണ് പ്രതീക്ഷയെന്നും അദ്ദേഹം പറഞ്ഞു.
പി.സി. ചാക്കോയുടെ വിമർശനങ്ങളോട് പ്രതികരിക്കാനില്ല. പാർട്ടിക്കുള്ളിൽ അനിശ്ചിതത്വം ഇല്ലെന്നും ഉമ്മൻ ചാണ്ടി പറഞ്ഞു.
രാഹുൽ വയനാട്ടിൽ മത്സരിക്കുന്ന കാര്യത്തിൽ അന്തിമ തീരുമാനം എടുത്തിട്ടില്ലെന്ന് പ്രവർത്തകസമിതി അംഗം പി.സി. ചാക്കോ പറഞ്ഞിരുന്നു. ഈ ആവശ്യത്തിൽ രാഹുൽ അനുകൂലമായി പ്രതികരിച്ചിട്ടില്ല. സ്ഥാനാർഥിത്വം രാഹുൽ സമ്മതിച്ചെന്ന് ആരെങ്കിലും പറഞ്ഞെങ്കിൽ അത് വസ്തുതാപരമല്ലെന്നും ചാക്കോ ഞായറാഴ്ച മാധ്യമങ്ങളോട് പറഞ്ഞു.