അധോലോക നായകൻ രവി പൂജാരി പി.സി യെ വിളിചു ; തെളിവുകളുമായി കേന്ദ്ര ഏജൻസികൾ …
അറസ്റ്റിലായ അധോലോക കുറ്റവാളി രവി പൂജാരി പി.സി. ജോർജ് എംഎൽഎയെ വിളിച്ചതിന് തെളിവുകൾ. സെനഗലിൽ നിന്ന് നാല് ഇന്റർനെറ്റ് കോൾ വന്നതായി കേന്ദ്ര ഏജൻസികൾ കണ്ടെത്തിയിരിക്കുന്നത്. രവി പൂജാരി ഭീഷണിപ്പെടുത്തിയതായി പി.സി. ജോർജ് നേരത്തെ വ്യക്തമാക്കിയിരുന്നു.
ആഫ്രിക്കയിൽനിന്ന് തനിക്ക് ഒരു നെറ്റ് കോൾ വന്നിരുന്നുവെന്ന് ജോർജ് പറഞ്ഞിരുന്നു. ആദ്യം അയാൾ നിങ്ങൾക്കയച്ച സന്ദേശം വായിച്ചില്ലേ എന്നു ചോദിച്ചു. സമയം കിട്ടിയില്ലല്ലെന്നു പറഞ്ഞപ്പോൾ താൻ രവി പൂജാരിയാണെന്ന് അയാൾ വെളിപ്പെടുത്തി. പിന്നീട് എന്നെയും രണ്ടു മക്കളിൽ ഒരാളെയും തട്ടിക്കളയുമെന്ന് ഭീഷണിപ്പെടുത്തി. നീ പോടാ റാസ്കൽ, നിന്റെ വിരട്ടൽ എന്റെ അടുത്ത് നടക്കില്ലെടാ ഇഡിയറ്റ് എന്ന് അറിയാവുന്ന ഇംഗ്ലീഷിൽ താനും മറുപടി പറഞ്ഞെന്നായിരുന്നതായാണ് ജോർജിന്റെ പരാമർശം.