പാർലമെന്റ് സമ്മേളനം: രണ്ടാം ഘട്ടം ഇന്ന് തുടങ്ങും
പാർലമെന്റിൽ ബജറ്റ് സമ്മേളനത്തിന്റെ രണ്ടാം ഘട്ടം ഇന്ന് ആരംഭിക്കും. വായ്പ തട്ടിപ്പ് നടത്തി രാജ്യംവിട്ട നീരവ് മോദി അടക്കമുള്ളവരുടെ വിഷയങ്ങൾ ഉന്നയിച്ച് സർക്കാരിനെതിരേ പാർലമെന്റിൽ ആഞ്ഞടിക്കാനാണ് പ്രതിപക്ഷ നീക്കം. പിഎൻബി തട്ടിപ്പിൽ പ്രധാനമന്ത്രി നരേന്ദ്ര മോദി വിശദീകരണം നൽകണമെന്ന് പ്രതിപക്ഷം ഇരുസഭകളിലും ഉന്നയിക്കുമെന്നാണ് സൂചന.
വടക്കു കിഴക്കൻ സംസ്ഥാനങ്ങളിലെ തെരഞ്ഞെടുപ്പിൽ വിജയതിളക്കത്തിൽ നിൽക്കുന്ന ബിജെപി പി.ചിദംബരത്തിന്റെ മകൻ കാർത്തി ചിദംബരം അഴിമതിക്കേസിൽ അറസ്റ്റിലായ വിഷയം സഭയിൽ ഉയർത്തിക്കാട്ടുമെന്നും സൂചനകൾ ഉണ്ട്. ഇരുസഭകളിലും മാർച്ച് 31നു മുൻപ് ബജറ്റ് പാസാക്കേണ്ടതുണ്ട്.