പാലക്കാട് ലീഗ് പ്രവർത്തകൻ കുത്തേറ്റു മരിച്ചു
പാലക്കാട്ട് ലീഗ് പ്രവർത്തകൻ കുത്തേറ്റു മരിച്ചു. കുന്തിപ്പുഴ സ്വദേശി സഫീർ(22) ആണു മരിച്ചത്. മണ്ണാർക്കാട്ടെ സഫീറിന്റെ ഉടമസ്ഥതയിലുള്ള വസ്ത്രവ്യാപാരശാലയിൽ കയറി വൈകിട്ട് ഒന്പതോടെ ഒരു സംഘമാളുകൾ ഇയാളെ കുത്തുകയായിരുന്നു.
മുസ്ലിം ലീഗ് നഗരസഭാ കൗണ്സിലർ സിറാജിന്റെ മകനാണ് സഫീർ. കൊലപാതകത്തെ തുടർന്ന് ദേശീയപാതയിൽ ഗതാഗതം തടസപ്പെട്ടിരിക്കുകയാണ്. കൊലപാതകത്തിനു പിന്നിൽ രാഷ്ട്രീയ ബന്ധമുണ്ടെന്നു പോലീസ് സംശയിക്കുന്നു.
കൊലപാതകത്തിൽ പ്രതിഷേധിച്ച് മണ്ണാർക്കാട് നിയോജമണ്ഡലത്തിൽ ഇന്ന് ഹർത്താൽ ആചരിക്കാൻ മുസ്ലിം ലീഗ് ആഹ്വാനം ചെയ്തു