മത്സ്യബന്ധന ബോട്ടുകൾ വ്യാഴാഴ്ച മുതൽ അനിശ്ചിതകാല പണിമുടക്കിൽ
വിവിധ ആവശ്യങ്ങൾ ഉന്നയിച്ച് ഓൾ കേരള ഫിഷിംഗ് ബോട്ട് ഓപ്പറേറ്റേഴ്സ് അസോസിയേഷന്റെ ആഭിമുഖ്യത്തിൽ വ്യാഴാഴ്ച മുതൽ അനിശ്ചിതകാല പണിമുടക്ക് നടത്തും. സംസ്ഥാനത്തെ 3800 മത്സ്യബന്ധന ബോട്ടുകളും പണിമുടക്കിൽ പങ്കെടുക്കുമെന്ന് അസോസിയേഷൻ അറിയിച്ചു.
കേന്ദ്രസർക്കാരിന്റെ നോട്ട് നിരോധനവും മത്സ്യബന്ധന ഉപകരണങ്ങൾക്ക് ഏർപ്പെടുത്തിയ ജിഎസ്ടിയും മൂലം ഈ മേഖല കടുത്ത പ്രതിസന്ധിയിലാണ്. അതിരൂക്ഷമായ ഇന്ധന വില ഉൾപ്പെടെയുള്ളവയിൽ പ്രതിഷേധിച്ചാണ് സമരം നടത്തുന്നതെന്നും അസോസിയേഷൻ ഭാരവാഹികൾ വ്യക്തമാക്കി.