ബോണക്കാട് കുരിശുമല യാത്ര പോലീസ് തടഞ്ഞു : സ്ഥലത്ത് സംഘര്ഷം
ബോണക്കാട് കുരിശുമലയിലേക്ക് നെയ്യാറ്റിൻകര രൂപതയുടെ കീഴിലുള്ള വിശ്വാസികൾ നടത്തിയ യാത്ര പോലീസ് തടഞ്ഞു. വിശ്വാസികൾ പോലീസ് ബാരിക്കേഡ് മറികടന്ന് പോകാന് ശ്രമിച്ചതിനെ തുടര്ന്ന് സ്ഥലത്ത് സംഘര്ഷമുണ്ടായി. തുടർന്ന് പോലീസ് വിശ്വാസികൾക്കു നേരെ ലാത്തിച്ചാർജ് നടത്തി. ഇതിനിടയിൽ കല്ലേറുമുണ്ടായി. സംഘർഷത്തിൽ നിരവധി പേർക്ക് പരിക്കേറ്റു.
കുരിശുമലയിൽ അറുപതു വർഷം മുന്പ് സ്ഥാപിച്ചിരുന്ന മരക്കുരിശ് തകർന്നതിനെത്തുടർന്ന് പുതിയ കുരിശ് സ്ഥാപിക്കാനാണ് വിശ്വാസികള് യാത്ര സംഘടിപ്പിച്ചത്. എന്നാൽ വനംഭൂമിയിൽ കുരിശ് സ്ഥാപിക്കാൻ പാടില്ലെന്ന് ഹൈക്കോടതി ഉത്തരവ് നിലനിൽക്കുന്നതിനാൽ വനത്തിനുള്ളിലേക്ക് പ്രവേശിക്കാൻ അനുവാദം നൽകില്ലെന്ന് വനംവകുപ്പ് അറിയിക്കുകയായിരുന്നു. ഇതേത്തുടർന്നാണ് ബോണക്കാടുവച്ച് വിശ്വാസികളെ പോലീസും വനംവകുപ്പ് ഉദ്യോഗസ്ഥരും തടഞ്ഞത്.
സംഘർഷ സാധ്യത കണക്കിലെടുത്ത് കൂടുതൽ പൊലീസ് വനംവകുപ്പ് ഉദ്യോഗസ്ഥർ സ്ഥലത്ത് ക്യാമ്പ് ചെയ്യുന്നുണ്ട്.