ലോകത്ത്‌ കൊവിഡ്‌ മരണം 2.39 ലക്ഷം പിന്നിട്ടു

വാഷിങ്‌ടണ്‍: ലോകത്താകെ കൊവിഡ് ബാധിച്ച്‌ മരിച്ചവരുടെ എണ്ണം 2,39,443 ആയി. ആഗോള തലത്തില്‍ കോവിഡ്‌ സ്ഥിരീകരിച്ചവരുടെ എണ്ണം 33,98,458 ആയി. 10,80,101 പേ​ര്‍ രോ​ഗ​മു​ക്തി നേ​ടി​യി​ട്ടു​ണ്ട്.

കൊവിഡ് 19 വ്യാപനത്തെ തുടര്‍ന്ന് ഏറ്റവുമധികം തകര്‍ന്നു പോയ ലോകരാജ്യങ്ങളിലൊന്നാണ് അമേരിക്ക. ജോണ്‍സ് ഹോപ്കിന്‍സ് യൂണിവേഴ്സിറ്റിയുടെ കണക്ക് അനുസരിച്ച്‌ കഴിഞ്ഞ 24 മണിക്കൂറിനുള്ളില്‍ 2000 പേര്‍ക്കാണ് അമേരിക്കയില്‍ കൊവി‍ഡ് ബാധിച്ച്‌ മരിച്ചത്. 11,31,015 പേ​ര്‍​ക്കാ​ണ് അ​മേ​രി​ക്ക​യി​ല്‍ കോ​വി​ഡ് സ്ഥി​രീ​ക​രി​ച്ച​ത്. 65,748 പേ​രാ​ണ് ഇവി‌ടെ കോ​വി​ഡ് മൂ​ലം മ​രി​ച്ച​ത്. 161,563 പേ​ര്‍ രോ​ഗ​മു​ക്തി നേ​ടി. 903,704 പേ​ര്‍ ഇ​പ്പോ​ഴും അമേരിക്കയില്‍ ചി​കി​ത്സ​യി​ലാ​ണ്.

അ​മേ​രി​ക്ക​യി​ല്‍ ന്യൂ​യോ​ര്‍​ക്ക് ന​ഗ​ര​ത്തി​ലാ​ണ് കൂ​ടു​ത​ല്‍ ആ​ളു​ക​ള്‍ കോ​വി​ഡ് ബാ​ധി​ച്ച്‌ മ​രി​ച്ച​ത്. 24,069 പേ​രാ​ണ് ഇ​വി​ടെ മാ​ത്രം മ​രി​ച്ച​ത്. 3,15,222 പേ​ര്‍​ക്ക് ന്യൂ​യോ​ര്‍​ക്കി​ല്‍ കോ​വി​ഡ് സ്ഥി​രീ​ക​രി​ച്ചു. ന്യൂ​ജ​ഴ്സി (7,538), മി​ഷി​ഗ​ന്‍ (3,866), മാ​സ​ച്യു​സെ​റ്റ്സ് (3,716), ഇ​ല്ലി​നോ​യി (2,457), ക​ണ​ക്ടി​ക്ക​ട്ട് (2,339), പെ​ന്‍​സി​ല്‍​വാ​നി​യ (2,651), ക​ലി​ഫോ​ര്‍​ണി​യ (2,111) സം​സ്ഥാ​ന​ങ്ങ​ളി​ലും മ​ര​ണം കൂ​ടി​വ​രി​ക​യാ​ണ്.

ഇ​റ്റ​ലി​യില്‍ കോവിഡ് ബാധിച്ച്‌ മരിച്ചവരുടെ എണ്ണം 28,236 ആയി . 2,07,428 പേ​ര്‍​ക്കു രോ​ഗം സ്ഥി​രീ​ക​രി​ച്ചു . ഫ്രാ​ന്‍​സി​ല്‍ 24,594 പേ​രും കോ​വി​ഡ് ബാ​ധി​ച്ചു മ​ര​ണ​ത്തി​നു കീ​ഴ​ട​ങ്ങി. ഈ ​ര​ണ്ടു രാ​ജ്യ​ങ്ങ​ളി​ലാ​യി പു​തു​താ​യി രോ​ഗ​ബാ​ധ​യു​ണ്ടാ​കു​ന്ന​വ​രു​ടെ എ​ണ്ണ​ത്തി​ലും മ​ര​ണ​ത്തി​ലും കു​റ​വു​ണ്ട്.

ബ്രിട്ടണില്‍ 27,510 പേ​രാ​ണു കോവിഡ് ബാധിച്ച്‌ ഇവിടെ മരിച്ചത് . ഇതോടെ യൂ​റോ​പ്പി​ലെ ര​ണ്ടാ​മ​ത്തെ ഉ​യ​ര്‍​ന്ന മ​ര​ണ​സം​ഖ്യ​യു​ള്ള രാ​ജ്യ​മാ​യി ബ്രി​ട്ട​ന്‍. സ്പെ​യി​നി​ല്‍ 24,824 പേ​രും ജ​ര്‍​മ​നി​യി​ല്‍ 6,736 പേ​രും കോ​വി​ഡ് ബാ​ധി​ച്ചു മ​രി​ച്ചു.

error: Content is protected !!