കൊവിഡ്: കണ്ണൂരില്‍ നിരീക്ഷണത്തിലുള്ളത് 10561 പേര്‍
കണ്ണൂര്‍: കണ്ണൂര്‍ ജില്ലയില്‍ കൊവിഡ് സംശയിച്ച്‌ നിരീക്ഷണത്തിലുള്ളവരുടെ എണ്ണം 10561 ആയി. ഇവരില്‍ 92പേര്‍ ആശുപത്രിയിലും 10469 പേര്‍ വീടുകളിലുമാണ് നിരീക്ഷണത്തില്‍ കഴിയുന്നത്.
കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ 45 പേരും തലശ്ശേരി ജനറല്‍ ആശുപത്രിയില്‍ 11 പേരും ജില്ലാ ആശുപത്രിയില്‍ 9 പേരും കോവിഡ് ട്രീറ്റ്‌മെന്റ് സെന്റില്‍ 27 പേരുമാണ് നിരീക്ഷണത്തില്‍ കഴിയുന്നത്.
ഇതുവരെ 670 സാംപിളുകള്‍ പരിശോധനയ്ക്ക് അയച്ചതില്‍ 610 എണ്ണത്തിന്റെ ഫലം വന്നു. ഇതില്‍ 555 എണ്ണം നെഗറ്റീവാണ്. 60 എണ്ണത്തിന്റെ ഫലം ലഭിക്കാനുണ്ട്. നിലവില്‍ ജില്ലയില്‍ 53 പോസിറ്റീവ് കേസുകള്‍ ഉണ്ട്.
