ചലച്ചിത്ര വസ്ത്രാലങ്കാരകൻ വേലായുധൻ കീഴില്ലം അന്തരിച്ചു
ചാലക്കുടി: മലയാള സിനിമയില്‍ വസ്ത്രാലങ്കാര രംഗത്ത് നിറസാന്നിധ്യമായിരുന്ന വേലായുധന്‍ കീഴില്ലം അന്തരിച്ചു. 66 വയസായിരുന്നു. ചാലക്കുടിയിലായിരുന്നു അന്ത്യം.
പെരുമ്ബാവൂരിനടുത്ത് കീഴില്ലത്താണ് ജനനം. ചെറിയ പ്രായത്തില്‍ ചലചിത്ര രംഗത്തെത്തിയ ഇദ്ദേഹം നിരവധി സംവിധായകര്‍ക്കൊപ്പം പ്രവര്‍ത്തിച്ചു. 1994 ല്‍ മാനത്തെ വെള്ളിത്തേര് എന്ന ചിത്രത്തിലൂടെ മികച്ച വസ്ത്രാലങ്കാരകനുള്ള സംസ്ഥാന പുരസ്കാരം ലഭിച്ചു.
കെ.ജി. ജോര്‍ജിന്‍റെ ഉള്‍ക്കടല്‍ എന്ന ചിത്രത്തില്‍ വസ്ത്രാലങ്കാര സഹായിയായിട്ടായിരുന്നു തുടക്കം. സിദ്ദിഖിന്‍റെ ബിഗ്ബ്രദര്‍ എന്ന ചിത്രത്തിലാണ് അവസാനമായി വസ്ത്രാലങ്കാരം നിര്‍വഹിച്ചത്.
